【講得出貨源充足？】#我就當真係足數 #無內地人搶購
3000萬個口罩 ÷ 香港750萬人 = 人均4個，四個字：「僧多粥少」，夠唔夠香港人用兩日？
對比澳門政府23號已經公佈購買2000萬個口罩俾62萬巿民買（人均32個），香港政府慢咗足足7日，但……唉……我都唔係度想苛責張司長點解買得咁少，因為呢幾日大家網購口罩都好困難，相信政府買嘅時候都唔輕易。
重點係：3000萬呢個數字，並唔係石頭爆出嚟，亦唔需要用半日先清點到出嚟，陳肇始上立法會前應該了然於胸，應該坦白同香港人講，政府盡力做緊，香港人先會心安。因為疫症，最怕就係民心動亂！
最錯嘅做法，就係好似陳肇始咁，為咗驚議員鬧「人均4個」唔夠用，而帶成班立法會議員遊兩個鐘花園，乜實際數據都答唔到，係咪覺得大家好得閒聽你講廢話！
Search